A.V. de Teis y de Chapela, denuncian la falta de información y una fecha real para la supresión del peaje de redondela.

|

As Asociacións Veciñais de Teis e de Chapela, denuncian a falta de información e unha data real para a supresión da peaxe no tramo Redondela-Vigo, da autoestrada AP9, logo do anuncio de suprimir esta peaxe no mes de xullo.

A comezos do pasado mes de abril, ambas Asociacións Veciñais, solicitamos por escrito unha xuntanza co novo delegado do Goberno en Galiza, José Manuel Miñones Conde, logo do seu nomeamento o pasado 31 de marzo de 2021, para tratar as reivindicacións pendentes sobre a autoestrada AP9, supresión da peaxe no tramo Redondela-Vigo, a conversión en tramo urbano desde Padín até o centro da cidade de Vigo, a instalacións de pantallas contra o ruído, a mellora dos pasos elevados da Xorxa e da Trapa ou as obras de humanización na parroquia de Chapela logo da última ampliación.

Levamos tres meses agardando pola celebración dunha xuntanza, logo dunha solicitude por escrito e de reiterada chamadas. É unha vergoña que un cargo publico, non recibía as uns colectivos sociais para tratar sobre cuestións tan importantes, non só para Teis ou Chapela, se non para a cidade de Vigo.

Chega de enganos e escusas por parte do Goberno do Estado, para suprimir a peaxe no tramo Redondela-Vigo, levamos anos padecendo as mentiras e falta de vontade política por parte dos diferentes gobernos do Estado neste tema.

O Ministro de Fomento, Íñigo de la Senra, anunciando que en xullo de 2018 está peaxe estaría suprimida e aínda estamos agardando a día hoxe.

No pasado mes de abril, o Ministro de Transportes, José Luis Abalos, anunciaba para o mes de xullo para a supresión da peaxe, daquela manifestamos que non entendiamos porque había que agardar até o mes de xullo, cando nós orzamentos do Estado de 2021, figura xa unha partida para destinar o pago da peaxe deste tramo da autoestrada.

As demandas veciñais sobre a autoestrada AP9, non se limitan só a supresión da peaxe. Queremos lembrar a importancia é a necesidade de que a supresión desta peaxe, supoña tamén a conversión da autoestrada en tramo urbano desde Padín (Teis) ate o centro da cidade, con acesos, o que permitiría reducir o elevado tráfico que padece Teis e Chapela, especialmente nas rúas Sanjurjo Badía, na Travesía de Vigo en Teis e na avenida de Vigo e na avenida de Redondela en Chapela.

Non menos importante son as medidas contra contaminación acústica, coa instalación de pantallas, debido a elevado ruído que padece a veciñanza que vive no entorno da autoestrada AP9.

Logo levamos dous anos reivindicando a mellora dos pasos elevados da autoestrada en Teis, en concreto nos camiños da Xorxa e da Trapa, debido a súa falta de mantemento e impedir a incomunicación deste lugares de Teis, como pretende o Ministerio de Transportes.

Tamén está pendentes as obras de humanización na parroquia de Chapela, provocadas pola última ampliación da autoestrada AP9, as cales están aprobadas na adenda

Comentarios