El BNG se oponen a la destrucción de 39 puestos de trabajo en el Ayuntamiento de Vigo como pretende el Gobierno municipal

|

  • A fronte nacionalista presentará emendas aos orzamentos de 2022 para reverter esta decisión e esixir que se poña fin as políticas de xestión privatizada de servizos municipais.
  • Xabier P. Igrexas: “É o momento de apostar por reforzar con máis persoal público en lugar de aplicar as receitas do PP como está a facer o goberno de Abel Caballero”.







O Bloque Nacionalista Galego anunciou este luns a súa oposición á decisión do Goberno municipal de amortizar 39 postos de traballo do Concello de Vigo para o próximo ano, concentrados nomeadamente en diferentes categorías de oficios. O concelleiro da fronte nacionalista, Xabier P. Igrexas, adiantou que van presentar emendas aos orzamentos de 2022 para demandar que se rectifique esta destrución de emprego público.

O portavoz municipal do BNG cualificou como “nefasta” a política persoal do goberno de Abel Caballero, que ten sen adxudicar por “deslexio e desidia” preto de 200 prazas públicas. Igrexas explicou que están “sen executar case na súa totalidade, agás algunhas poucas prazas de bombeiros, as Ofertas de Emprego Público (OEP) desde o ano 2017. E nesta altura de 2021 aínda está pendente a aprobación da OEP para este exercicio”.

A fronte nacionalista denunciou que este novo intento de destrución de postos de traballo responde a unha aposta do Goberno municipal pola privatización e externalización de servizos, como vén de suceder coa xestión das instalacións deportivas do Concello de Vigo. “Cremos que é o momento de apostar decididamente por reforzar con máis persoal público o en lugar de aplicar a receitas do PP como está a facer de maneira reiterada o goberno de Caballero”, afirmou Igrexas.O BNG de Vigo presentará emendas ás contas de 2022 para reverter esta decisión e urxir un cambio na política laboral do Goberno municipal, na liña do demandado polo propio comité de persoal do Concello. O portavoz nacionalista recordou que estes postos de traballo son necesarios para un mellor funcionamento dos servizos municipais e a atención á veciñanza.

Comentarios